मनोगत

नमस्कार मंडळी.

"लेखणीतली शाई" या ब्लॉगवर आपलं स्वागत. तुम्हाला माझं लेखन कसं वाटलं ते अवश्य कळवा. आपल्या टाळ्यांचे व टीकांचे मनापासून स्वागत.

आपला,
(ब्लॉगलेखक) प्रशांत

Friday, March 23, 2007

लेखणीतली शाई

लेखणीतली शाई रसिका तुझ्याचसाठी
विचारसुमनांची ही मालिका तुझ्याचसाठी

नभोमंडली अखंड फिरती ग्रहनक्षत्रे
पुनवेचे हे टिपुर चांदणे तुझ्याचसाठी

ग्रीष्मातिल तव तृषार्त आणिक शिणलेले मन
प्रसन्न करण्या वाहे सरिता तुझ्याचसाठी

अहर्निश जरी कष्ट जीवनी असतिल मोठे
आनंदाचे मौल्यवान क्षण तुझ्याचसाठी

शब्द नव्हे, हे अमृत विधिच्या कमलदलातिल
श्रींच्या इच्छेने अवतरले तुझ्याचसाठी

3 comments:

sangeetagod said...

प्रशांत,
तुमचा तसेच तुमच्या आईच ब्लॉग छान आहे.
तुम्ही व्हायोलिनही वाजवता हे वाचून छान वाटलं. तुमचं कुटुंबच प्रतिभावंत कलाकारांच आहे म्हणायच!
शुभेच्छा!

HAREKRISHNAJI said...

आपका blog छान आहे. आवडला.

Prashant Uday Manohar said...

sangeetagod व harekrishnaji (नाव माहित नसल्यामुळे blognameनेच संबोधित करीत आहे.),
तुमच्या प्रतिसादाबद्दल मनःपूर्वक धन्यवाद. मी तुमचे blogs नियमितपणे वाचतो. तुमचे blogs फारच उत्कृष्ठ आहेत.