मोराने फुलविला पिसारा आज पुन्हा
वर्षेची चाहूल लागली आज पुन्हा
शीतल वारा ऐक सांगतो अवनीला
सुगंध मातीचा दरवळला आज पुन्हा
लपंडाव का सूर्याची किरणे करती?
सरतील का घन बरसल्याविना आज पुन्हा?
पाहिलीस का सुंदर नक्षी आकाशी?
निळे-केशरी रंग पसरले आज पुन्हा
कालच झाली ओळख आपुली स्वप्नात
सांग तू मला भेटशील का आज पुन्हा?
1 comment:
वाह वा श्रावणसंध्येची आठवण करून दिलीस!
Post a Comment