बर्याच दिसांनी तानपुर्यातुन
उमटला आज स्वयंभू गंधार
बर्याच दिसांनी प्रसन्न मनाने
आराधना केली साधावया सूर
बर्याच दिसांनी अनुभवले की
सकाळी पडले आज लख्ख ऊन
बर्याच दिसांनी थंडी ती विरली
आणि झाले वसंताचे आगमन
बर्याच दिसांनी आस्वाद घेऊन
यथेच्छ जेवलो सुग्रास भोजन
बर्याच दिसांनी आज लोचनांनी
घेतले जगाचे सौंदर्य टिपून
बर्याच दिसांनी होऊन बेभान
नाच नाचलो मी रंगात रंगून
बर्याच दिसांनी आनंदाचे डोही
नाहले होऊनी दंग आज मन
5 comments:
ब-याच दिसांनी झाले ब्लॉग वर आगमन
अन् काय रम्य घडले दर्शन
क्या बात है आशाजी!
काव्यात्मक अभिप्रायाबद्दल धन्यवाद.
प्रिय प्रशांत उदय मनोहर
माझ्या ब्लॉगला भेट दिल्याबद्द्ल आभार!
आपल्या प्रतिक्रियेबद्दल मन:पूर्वक आभार!
आपल्या ब्लॉगला भेट दिली.आपल्याजवळ अनेक उत्तमोत्तम कौशल्यांचा संगम झालाय आणि ती सगळी कौशल्यं आणि आपले इंटरेस्टस आपण जागते ठेवले आहेत.शास्त्रीय संगीत, कविता,संशोधन या सर्वच क्षेत्रात आपण सहज लिहू शकता आहात.आपण जरूर सतत वेळात वेळ काढून लिहायला पाहिजे.मीही नियमित आपल्या ब्लॉगला भेट देईन.
आभार!
आपला मित्र
विनायक पंडित
विनाकयराव,
अभिप्रायाबद्दल मनःपूर्वक धन्यवाद.
सुन्दर!
Post a Comment